‘Na Telefonata posted by Fernanda Antonaci

‘Nu rumore forte, forte te sirena, sthrazza dhra notte tuce ca è calata:

me ddiscitu fucendu e stau in pena, e dicu inthru te mie: “ Ci sta malata?”

Ete a vicina mia, a ‘Ndolurata, na vecchiareddhra ca sula, sula stave,

u maritu è mortu, a fija s’à ‘nzurata e luntano à tuccatu se nde vave.Sta soffre te na vita, beddhra mia, percè  ha utu nu ‘nfartu retu l’addhru,

e de l’ura ca nu tene chiui a Maria, à tuccatu se arma te curaggiu.

Dhra fija sula tene, e sta a Milanu, ma moi ulìa la ‘mbrazza, ulìa la vite,

la ulìa te costi cu ne tene a manu, prima cu chiute l’occhi e cu nu bbite.

Allora, ieu,ca sta me tà allu core, te pressa a iddhra aggiu telefonatu,

e n’aggiu tittu sulu to parole: ”Nù perdere tiempu, già mutu ‘nd’è passatu…

Pija u primu threnu e veni a quai, e de  dhra mamma tua fatte vitire,

lu sai,ca oltre allu core, tene u “quai”,mbrazzala forte, ca stave ppe murire!”

E iddhra m’ha rispostu ste parole: “Vorrei tanto poterla riabbracciare,

poterla stringere forte, forte al cuore, ma ho un impegno e non posso rimandare.

È importante, riguarda il mio lavoro, sarà l’ascesa della mia carriera,

sicuro io otterrò il suo perdono, ma per lei dirò di certo una preghiera”.

Cusì è spicciata dhra telefonata, fiacca m’aggiu ‘ntisa dhru mumentu,

na ucca mara te valenu m’ha lassata, e inthru nu rimorsu lentu, lentu…

Chiangendu a nanzi u lettu su turnata, e l’ultimu suspiru iddhra sta dia,

l’aggiu mbrazzata, l’aggiu ncarizzata, e iddhra: “ Sì venuta fija mia!”.

Cusine, s’ha stutata, cu lu risu, era felice, paria ca sta ritia,

ca ieu era fija sua, iddhra s’a crisu: ca cinca l’ha mbrazzata era a Maria.

Fernanda  ANTONACI – Matino (LE)

Josè Pascal e la sua scatola di latta sostengono la VI EDIZIONE DEL CONCORSO  INTERNAZIONALE DI POESIA “IL GALANTUOMO” 2012

2 thoughts on “‘Na Telefonata posted by Fernanda Antonaci

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...